Кәуап

40 min
All in 1

Басып шығару

4 сыбағаға арналған ингредиенттер:

Шашлық

Тауық сүбесі 850 г
Табиғи йогурт 200 г
Лимон 1 дана
Сарымсақ 3 тісше
Заатар 2 шай қасық
Зәйтүн майы 4 ас қасық
Тәтті паприка 1 шай қасық

Самоса (бәліштер)

Салма:
Пісірілген картоп 2 дана
Бас пияз 1 ірі дана
Сарымсақ 1 тісше
Жасыл бұршақ ½ шағын банка
Кориандр тұқымдары 1 шай қасық
Кардамон тұқымдары 2 дана
Сары май 1 ас қасық
Ұнтақталған зире 1 ас қасық
Ащы паприка ½ жайпақ шай қасық
Куркума ½ жайпақ шай қасық
Карри ½ жайпақ шай қасық
Кайен бұрышы бір шымшым
Ұсақталған ақжелкен көгі 1 шай қасық
Зәйтүн майы 1,5 ас қасық
Бұрыш ¼ шай қасық
Тұз ½ шай қасық
Заатар ½ ас қасық
Қамыр:
Бидай ұны 1 стақан
Өсімдік майы 3 ас қасық
Тұз 1 ірі шымшым
Су (жылы) ½ стақан
Жұмыртқа 1 дана (бетіне жағу үшін)

Пісірілген болгар бұрышы

Тәтті ұзынша бұрыш 400 г
Зәйтүн майы 3 ас қасық
Тұз бір шымшым
Бұрыш бір шымшым
Сарымсақ 2 тісше
Розмарин 1 бұтақша

Дайындау:

Шашлық

Сүбені шамамен 3х3 см етіп текшелеп тураңыз. Маринадтың барлық ингредиенттерін араластырып, етті тоңазытқышта түні бойы қалдырыңыз.
Етті ағаш істіктерге шаншыңыз.
Пісіру табағына салып, тұмшапештің торына қойыңыз және дисплейдегі нұсқаулыққа сәйкес пісіріңіз.

Самоса (бәліштер)

Салмасын дайындау: кардамон, кориандр және зире тұқымдарын келіде бір шымшым тұзбен жақсылап жаншыңыз. Пиязды текшелеп тураңыз, сарымсақты ұсақтаңыз.

Содан кейін тазартылып, ұсақтап туралған картопты қосыңыз. Карри, кайен бұрышын қосып, дәміне қарай тұз бен қара бұрыш себіңіз. Сары май, жасыл бұршақ және туралған ақжелкенді қосыңыз.

Қамырын дайындау: ұнды тостағанға елеп, тұз бен сары майды салыңыз. Барлық ингредиенттерді қолмен араластыра отырып, біртіндеп су құйыңыз. Тегіс әрі иілгіш қамыр иленгенше бірнеше минут бойы басыңыз. Бетін жауып, жарты сағатқа қоя тұрыңыз.

Осы уақыт өткен соң қамырды жайып, көлемі шамамен 10х10 см болатын шаршыларға тіліңіз. Әр шаршыны диагональ бойынша бүктеп, бір шетін мықтап біріктіріңіз — сонда түтікше пішін шығады. Салмасын салып, екінші шетін біріктіріп бүріңіз.

Самосаларды пергамент қағазы төселген терең пісіру табағына қойып, шайқалған жұмыртқаны жағыңыз, содан соң тұмшапешке салып, дисплейдегі нұсқаулыққа сәйкес пісіріңіз.

Пісірілген болгар бұрышы

Жалпақ пісіру табағына пергамент қағазын төсеп, аздап зәйтүн майын тамызыңыз, содан кейін тазартылып, қақ бөлінген бұрыштарды салыңыз.
Үстіне зәйтүн майын құйып, тұз, қара бұрыш, ұсақталған сарымсақ пен розмарин себіңіз.
Тұмшапешке қойып, дисплейдегі нұсқаулыққа сәйкес пісіріңіз.