Веллингтон сиыр еті
3-4 сыбағаға арналған ингредиенттер:
- Сиыр сүбесі 350 г
- Саңырауқұлақтар 350 г
- Сары май 1,5 ас қасық
- Қатпарлы қамыр (мұздатылғанын қолдануға болады) 375 г / 1 қаптама
- Жұмыртқа 1 дана
- Қыша 55 г / 2 үлкен қасық
- Парма ветчинасы 115 г / 8 тілім
Дайындау:
- Саңырауқұлақтарды стационарлық немесе батырмалы блендердің көмегімен езбе күйіне дейін ұсақтаңыз. Табаға салыңыз, тұз бен бұрыш қосып, барлық сұйықтық буланып кеткенше пісіріңіз.
- Бөлек табада бір ас қасық сары майды ерітіп, сүбенің барлық жағын қуырыңыз.
- Тағамдық үлдірге ветчина тілімдерін, содан кейін саңырауқұлақ муссын және қыша жағылған сүбені қойыңыз. Өте тығыз етіп ораңыз.
- Қатпарлы қамырды екі бөлікке бөліп, ұқыпты жайыңыз. Сүбені бір бөліктің ортасына қойыңыз. Қамырдың жиектеріне шайқалған жұмыртқа жағыңыз. Қамырды сиыр етінің үстінен орап, жігі төмен қарап тұратындай етіп төңкеріңіз. Қамырдың екі ашық ұшын бүгіңіз. Барлығына жұмыртқа жағыңыз.
- Қамырдың екінші бөлігін әрбір 1 см сайын тіліп, содан кейін оны қолыңызға алып, өрмек пішінін беріп, ұқыпты созыңыз. Оны оралған бірінші бөліктің үстіне жайып, үстіңгі жағына жұмыртқа жағыңыз.
- Тұмшапешке қойып, дисплейдегі нұсқаулыққа сәйкес пісіріңіз.
Осы уақыт өткен соң тағамның ішкі температурасы шамамен 59-60 Цельсий градусын құрауы керек, бұл сиыр сүбесін ұсыну үшін оңтайлы температура болып табылады (орташа қуырылған).
Тұмшапештен шығарған соң, жылу әсерінен бөлінген сөл басылып, температура біркелкі таралуы үшін 10-15 минутқа қалдырыңыз.
Бұл рецептті қалай бағалайсыз? Пікіріңізбен бөлісіңіз!
Пікіріңізге рақмет!
Пікіріңізге рақмет, асыңыз дәмді болсын!